विजय कदम लोकहित लाईव्ह न्युज संपादक
माहिती अधिकार चळवळीला बळ देणाऱ्या महत्त्वपूर्ण निर्णयात माहिती अधिकार कार्यकर्ता महासंघ यांच्या वतीने उमरखेड तालुक्यासाठी शेख इरफान शेख ईसा यांची संघटक (उमरखेड तालुका) या मानद पदावर नियुक्ती करण्यात आली आहे.
सदर नियुक्तीपत्रानुसार ही नियुक्ती दि. २७ मार्च २०२६ पासून लागू करण्यात आली असून पुढील आदेश येईपर्यंत ती कायम राहणार आहे. महासंघाचे संस्थापक अध्यक्ष सुभाष बसवेकर यांच्या स्वाक्षरीने ही अधिकृत घोषणा करण्यात आली आहे.
जबाबदाऱ्या वाढल्या
या नियुक्तीमुळे शेख इरफान यांच्यावर आता माहिती अधिकार कायद्याचा प्रभावी वापर करून जनतेच्या प्रश्नांना न्याय मिळवून देण्याची मोठी जबाबदारी येणार आहे. तसेच गावागावांत जाऊन माहिती अधिकार कायद्याचा प्रसार व जनजागृती करण्याचे कामही ते करणार आहेत.
उमरखेड तालुक्यातील सामाजिक, पत्रकार व कार्यकर्त्यांमधून या नियुक्तीचे स्वागत होत असून, त्यांच्या माध्यमातून सामान्य नागरिकांच्या प्रश्नांना आवाज मिळेल, अशी अपेक्षा व्यक्त केली जात आहे.
पारदर्शकतेसाठी पुढाकार
माहिती अधिकार कायद्याच्या माध्यमातून शासकीय कामकाजात पारदर्शकता आणणे, भ्रष्टाचारावर आळा घालणे आणि नागरिकांना त्यांच्या हक्कांची जाणीव करून देणे, या उद्देशाने ही नियुक्ती महत्त्वाची मानली जात आहे.
“ही जबाबदारी जनतेच्या हितासाठी प्रामाणिकपणे पार पाडू,” अशी प्रतिक्रिया शेख इरफान यांनी व्यक्त केली.
उमरखेड तालुक्यासाठी ही नियुक्ती एक सकारात्मक पाऊल मानली जात असून, येणाऱ्या काळात माहिती अधिकार चळवळीला नवे बळ मिळण्याची चिन्हे दिसत आहेत
